Tanzaniyada həbsdə olan azərbaycanlı səyyah və bloger Yaşar Xudiyev bununla bağlı sosial şəbəkə hesabında məlumat paylaşıb.
İnsanoid.com xəbər verir ki, səyyah sərt rejimli Karanqa həbsxanasında 50 günlük cəza çəkdiyini bildirib.
“Mən bir vaxtlar Kilimancaro dağının ətəyindəki sərt rejimli Karanqa həbsxanasında 50 günlük cəza çəkirdim. Yağış yağdıqdan sonra ertəsi gün həbsxananın həyətindən görünən təpələr qarla örtülürdü. Kilimancaro təsəvvür ediləndən daha gözəl bir mənzərə idi. Bu gün azadlıq qazandım və MamaAfrica mənə kömək etdi. Həm dəstəyinizə görə minnətdaram, həm də problem yaratdığım üçün üzr istəyirəm. Bu, mənim həyatımda ən çılğın təcrübələrdən biri idi və hər anından həzz aldım,” – deyə Yaşar Xudiyev paylaşımında qeyd edib.
Xatırladaq ki, bir neçə ay əvvəl Y. Xudiyevin yaxınları sosial şəbəkələrdə onunla əlaqə qura bilmədiklərini yazmışdılar.
