Qazaxıstanın Aktau şəhəri yaxınlığında baş verən təyyarə qəzasında həlak olanlar arasında Azərbaycan Gimnastika Federasiyasının iki gimnastının atası da var.
İnsanoid.com-un məlumatına görə, gənclər və idman nazirinin müavini Mariana Vasileva bu barədə sosial şəbəkədə paylaşım edib.
O bildirib ki, təyyarənin kapitanı İqor Kşnyakin, gimnastlarımız Anastasiya və Darya Kşnyakinanın atası idi. “Azərbaycan Gimnastika Federasiyasının “Gimnastika hamı üçün” növü üzrə təmsilçiləri Anastasiya və Darya Kşnyakinanın atası Kşnyakin İqor İvanoviç təyyarə qəzasında dünyasını dəyişib. Kapitan Kşnyakin İqor İvanoviçin timsalında bütün ekipaj üzvlərinə Allahdan rəhmət diləyirik,” - deyə Vasileva qeyd edib.
Təyyarə qəzası nəticəsində həyatını itirənlər üçün başsağlığı mesajları davam edir. Hadisə ilə bağlı araşdırmalar davam etdirilir.
