Bakıda yerləşən 5 mərtəbəli binada güclü qaz sızması var.
Bakuplus.az xəbər verir ki, bu barədə görüntülər sosial şəbəkələrdə paylaşılıb.
Hadisə paytaxtın Şəmsi Rəhimov 58 ünvanından baş verib.
Bina sakini bildirib ki, binanın blokunda qaz iyindən dayanmaq mümkün deyil:
“Gözlərim yaşardı, yuxarı mərtəbədən sızan qazın iyi 1-ci mərtəbəyə qədər gəlirdi. Təcili 5 mərtəbəli binanın bütün mərtəbələrinə qalxıb pəncərələri açdım ki, qazın iyi heç olmasa azalsın. 07:44 “Azəriqaz” İB-nin 104 qaynar xəttinə məlumat verdim ki, Şəmsi Rəhimov 58 ünvanında, yaşayış binasında partlayış ola bilər, təcili əməkdaş göndərin. Dedilər qeyd etdik göndəririk. 30 dəqiqə keçdi bir də zəng etdim. Dedilər ki, gözləyin. 2 saat sonra yenə zəng etdim. Dedi yoldadılar, gəlirlər. Yəqin əməkdaşlar rayona istirahətə gedib oradan birbaşa gəlirlər. Belə səhlənkarlıq olar. Sonra da deyirlər binada partlayış olub. Problemə vaxtında müdaxilə etməyəndə faciəyə çevrilir”.
