Sosial şəbəkələrdə bu gün parklanmanın pulsuz olduğunu bildirən paylaşımlar edilib. Qeyd edilib ki, bu gün ölkədə iş günü olmadığı üçün paytaxtda parklanma ödənişsizdir.
Azərbaycan Yerüstü Nəqliyyat Agentliyinin (AYNA) mətbuat katibi Tural Orucov Bizim.Media-ya açıqlamasında məlumatın doğru olmadığını bildirib:
"Sosial şəbəkədə yazılanlar doğru deyil. Bu gün parklanma ödənişlidir. Biz bu barədə dəfələrlə demişik, yenə də xatırlatma verirəm. Nəqliyyat vasitələrinin parklanması yalnız axşam saat 22:00-dan saat 07:00-dək, bir də həftənin bazar günləri ödənişsizdir.
Bayram günləri, qeyri-iş günləri bazar günlərinə təsadüf edəndə parklanma ödənişsiz olur. Amma həftə içərisinə düşəndə isə xidmət pulludur".
