Bu il dekabr ayında ötən illərlə müqayisədə sifarişlərin sayı daha çoxdur.
Bunu şadlıq evi işlədənlər bildirirlər.
Bakıda keçirilən COP29 tədbiri ilə əlaqədar noyabr ayında toylara qadağa qoyulmasa da, xeyir iş edənlərin sayı az oldu. İndi isə toyunu dekabra saxlayanların çoxu yer tapmaqda çətinlik çəkirlər.
Restoran işlədənlərin sözlərinə görə, əslində şadlıq evlərində "zəif" və "sezon" ayları var. 2 ay məhərrəmlik, orucluq və may ayını çıxandan sonra yerdə qalan 8 ayın 4-ü "zəif", 4-ü isə "yaxşı" ay hesab olunur. Bu ilin dekabrı digərlərindən fərqlənərək daha yaxşı ay hesab olunacaq.
Bəs dekabrda toyların çoxluğu menyu qiymətlərinə təsir edəcəkmi?
Ətraflı "Xəzər Xəbər"in süjetində:
