" Yunanistanın Afina şəhərində keçirilən Kikboksinqin WAKO versiyası üzrə Avropa çempionatına "Master Class"Kateqoriyasında 63 kq çəki dərəcəsində 2 versiya vuruşaraq 2 qızıl medal qazandım. Light Contact-"İtaliya idmançısı De Franco Marco ve İsveç idmançısı AHLVARSSON OLA"Kick Light-"İsveç idmançısı AHLVARSSON OLA, İtalya idmançısı SGRO SIMONE CALOGERO" idmançılarına qalib gələrək 11-ci dəfə Avropa çempionu oldum".
BiG.AZ xəbər verir ki, bu sözləri Azərbaycan Respublikası Daxili İşlər Nazirliyinin İdman Cəmiyyətinin İdman-təlim şöbəsinin rəisi, polis polkovnik-leytenantı, dəfələrcə Dünya və Avropa çempionu Eduard Məmmədov deyib.
"Bu qələbəmi Zəfər gününə və şəhidlərimizə həsr edirəm. Allah Şəhidlərimizə Rəhmət Etsin!
Mənim üçün fəxrdir ki, Zəfər günü bayrağımızı dünya arenasinda iki dəfə qaldırıb, himni səsləndirdim.Mənim üçün bu, şərəf və fəxrdir.
QARABAĞ AZƏRBAYCANDIR!" ,- deyə o bildirib.
