Dələduzlar məşhur mağazalar şəbəkəsinin adından istifadə edərək vətəndaşları aldadır.
Sumqayit24.az-a müraciət edən vətəndaşlar bildiriblər ki, naməlum şəxslər “Instagram” sosial şəbəkəsində “kontakt__home.az” adlı səhifə açıblar. Onlara yazaraq məhsullarla maraqlanan insanlara “endirimli məhsulların linkini” göndərirlər və həmin saxta linkə daxil olan vətəndaşların kart məlumatlarını, minlərlə manat pulunu ələ keçirirlər.
“Kontakt Home” şirkəti məlumatı təsdiqləyib. Şirkətdən Sumqayit24.az-ın sorğusuna cavab olaraq bildirilib ki, sözügedən hesab saxtadır və heç bir halda həqiqəti əks etdirmir:
“Tərəfimizdən müvafiq addımlar atılmaqda, habelə izləyicilərimizin diqqətinə paylaşımlar edilib. Rəsmi kontakt_home səhifələrimizdən başqa hesablara istinad etməməyi tövsiyə edirik”.
