Azərbaycanın musiqi dünyasının səkkiz peşəkarı və xarici musiqi nümayəndələri tərəfindən tam şəffaf və ilk dəfə anonim şəkildə keçirilən səsvermədən görüntüləri yayılıb.
Bu barədə İtv.az xəbər verir.
Münsiflər heyətinin siyahısında repçi Elşad Xose, “Avroviziya 2017” təmsilçimiz Diana Hacıyeva, “Avroviziya 2009” təmsilçimiz Aysel Teymurzadə, DJ və prodüser Heydər, bəstəkar və Azərbaycan Respublikasının xalq artisti Faiq Sücəddinov, musiqiçi və Azərbaycan Respublikasının əməkdar artisti Rain Sultanov, aparıcı və İctimai Radionun Direktoru DJ Fateh, İctimai Televiziya və Radio Yayımları Şirkətinin Baş Direktoru Balakişi Qasımov yer alıblar.
Qeyd edək ki, 154 mahnı arasından seçilmiş 12 namizəd səsvermə mərhələsinə keçmiş və onların arasından yerli və xarici musiqi nümayəndələrinin səsverməsi nəticəsində “Avroviziya 2025” təmsilçimiz müəyyən edilib.
