Son bir ayda Azərbaycanda kərə yağının qiyməti yenidən bahalaşıb.
Axar.az xəbər verir ki, marketlərdə kərə yağının bahalaşması ötən ayla müqayisədə təxminən 10% civarındadır.
Belə ki, oktyabrın sonlarında bir kiloqramı 21,99 manata satılan “Belarus” kərə yağının qiyməti hazırda 23,95 manata qədər qalxıb. Müqayisə üçün bildirək ki, sentyabrda “Belarus” kərə yağının bir kiloqramının qiyməti 18,49 manat idi.
Dövlət Statistika Komitəsinin ötən gün yaydığı məlumatda da noyabr ayında bahalaşan ərzaq məhsulları sırasında kərə yağının daha çox bahalaşdığı bildirilib.
Qeyd edək ki, mütəxəssislər bunu dünya bazarında kərə yağının qiymətinin qalxması ilə əlaqələndirirlər. Azərbaycanda kərə yağı əsasən idxal olduğu üçün qiymətlər də dünya bazarındakı vəziyyətdən asılı olur.
