Futbol dünyasının əfsanəsi Lionel Messi və tanınmış komanda yoldaşları – Luis Suarez, Serxio Buskets və Xordi Alba – dekabrın 11-də Bakı Kristal Zalında azarkeşlərlə görüşəcək.
İnsanoid.com xəbər verir ki, tədbir iştirakçıları səkkiz dəfə “Qızıl top” mükafatını qazanan, dünya çempionu Lionel Messini canlı olaraq görmək və onunla unudulmaz anlar yaşamaq imkanı əldə edəcəklər. Həmçinin, tədbirdə Messinin həyat və futbol karyerasını əks etdirən xüsusi film nümayiş etdiriləcək. Film izləyicilərə futbol əfsanəsinin unikal karyerası və şəxsi həyatından maraqlı məqamları təqdim edəcək.
Tədbir çərçivəsində dünyaşöhrətli bəstəkar və ifaçı Villi Uilyam, eləcə də məşhur “Morandi” qrupu səhnədə çıxış edərək izləyicilərə xüsusi musiqi atmosferi yaşadacaq. Enerjili ritmlər və parlaq performanslar tədbiri daha da rəngarəng edəcək.
Biletlərinsatışından əldə edilən vəsait xeyriyyə məqsədinə yönəldiləcək. Biletləri iTicket.az saytından və satış məntəqələrindən əldə etmək mümkündür.
