"Bakı Metropoliteni" QSC-nin Strateji inkişaf departamentinə yeni rəis təyin edilib.
İnsanoid.com xəbər verir ki, bu barədə QSC-nin sədri Vüsal Aslanov əmr imzalayıb.
Əmrə əsasən, sözügedən vəzifəyə Nərgiz Rövşən qızı Mustafayeva təyinat alıb.
Nərgiz Mustafayeva orta təhsilinə Bakıda başlayaraq ABŞ-nin Ohayo ştatında bitirib. Ali təhsilini Bakı Dövlət Universiteti Fiziki və iqtisadi coğrafiya fakultəsində davam edib. Hazırda Oksford Universitetində təhsilini davam etdirir.
O, əmək fəaliyyətinə 2002-ci ildə “Əsrin müqaviləsi” çərçivəsində “Azəri-Çıraq-Günəşli” layihəsi üzrə Azərbaycan Beynəlxalq Əməliyyat Şirkətində başlayıb.
