“Sülh sazişi imzalandıqda İrəvan qarşılıqlı formada beynəlxalq məhkəmə iddialarından vaz keçməyə hazırdır".
Bunu Ermənistanın baş naziri Nikol Paşinyan İctimai Televiziyaya müsahibəsi zamanı deyib.
Paşinyan “Qərbi Azərbaycan” ifadəsinin ona necə təsir etməsindən də danışıb:
"İlin sonuna qədər Azərbaycanla sülh müqaviləsinin imzalanması üçün hər şeyi edəcəyəm. Bəziləri hardasa “Qərbi Azərbaycan” ifadəsini işlədəndə əsəbiləşirik, biz çox çətinlik çəkirik, elə deyilmi? Biz “Qərbi Ermənistan” deyəndə bunun kimisə qıcıqlandırdığını düşünürükmü? İndi deməyə başlayacaqlar ki, bu, növbəti xəyanətdir, alçaqlıqdır... Mənim elə bir statusum, elə bir məsuliyyətim var ki, xalqa söz deməyə, səbəb-nəticə əlaqəsini göstərməyə borcluyam. Əgər bunu etməsəm, bu, ölkəmizi qəsdən dövlətçiliyin itirilməsinə aparmışam deməkdir. Buna icazə verə bilmərəm!”
