2024-cü il şou-biznesdə boşanmalar, ayrılıqlar da az olmayıb.
Axşam.az ilin səs-küylü boşanmalarını təqdim edir:
Müğənni Elçin Cəfərovun xanımı Aydanla rəsmi boşandığı orataya çıxıb. İfaçı xəbəri təsdiqləyib. Amma daha sonra Elçinin konsertində Aydan görüntülənib, onların yenidən barışdığı bildirilib. Elçin isə bununla bağlı suala nə hə, nə də yox cavabını verib. Cütlüyün bu nikahdan Can adlı oğlu var.
İlin gözlənilməz boşanma hadisəsi Xalq artisti Yusif Euvazovla Rusiyanın xalq artisti Anna Netrebko araslnda olub. Rus mediası onların razılaşma əsasında boşandıqlarını yazıb. Cütlük buna səbəb kimi ayrı-ayrı ölkələrdə yaşadıqlarını göstəriblər. Belə ki, Yusif Azərbaycan Opera Teatrına direktor təyin ediləndən sonra Bakıda çox qalmalı olub. Anna isə Avstriya, Birləşmiş Ərəb Əmirliyi və İtaliyada yaşayır.
Aktyor cütlük Ülviyyə Əliyeva və Murad İsmayıl bir neçə dəfə ayrılıb-barışdıqdan sonra nəhayət, rəsmi şəkildə boşanıblar. Ülviyyə sosial şəbəkədə paylaşım edərək, ayrıldıqlarını yazıb. Cütlüyün bu nikahdan iki oğul övladı var.
Ötən il nikah masasına oturan model Razi Əliyevanın həyat yoldaşı Nicat Əliyevlə ayrıldığı ortaya çıxıb. Bunu Nicat açıqlamasında deyib. O bildirib ki, Razi boşanmaq üçün məhkəməyə müraciət edib. Bir neçə gün əvvəl isə cütlüyün oğlu dünyaya gəlib. Onlar hazırda ayrı yaşayırlar.
Müğənni Zahidə Günəş həyat yoldaşından ayrılıb. Bu barədə ifaçı özü açıqlama verib. O bildirib ki, ötən il ailə qurduğu şəxslə münasibəti sonlandırıb.
Türkiyə vətəndaşı Murad Temizlə ailə quran aktrisa Cəmilə Tağızadə də eyni aqibəti yaşayıb. Bir müddətdir Bakıya qayıdan Cəmilə həyat yoldaşının ona işgəncə verdiyini, çoxlu qadağalar qoyduğunu deyib. O, rəsmi boşanmanın olmadığını bildirib. Cəmilə ərinin barışmaq istədiyini, amma onun razılaşmadığını söyləyib. Cütlüyün bir övladı var.
