“Qarabağ” UEFA Avropa Liqasının qrup mərhələsində ilk qələbəsini əldə edib.
İnsanoid.com xəbər verir ki, Ağdam təmsilçisi, IV tur çərçivəsində Norveçin “Budyo Qlimt” komandasını 2:1 hesabı ilə məğlub edib.
Bude şəhərindəki “Aspmira” stadionunda keçirilən oyunda ilk qolu təmsilçimiz vurub. 23-cü dəqiqədə Toral Bayramov gözəl bir zərbə ilə fərqlənib. Lakin meydan sahibləri fasilədən əvvəl hesabı bərabərləşdirib; 41-ci dəqiqədə Patrik Berq vurduğu qolla fərqlənib. “Köhlən atlar”ın qalibiyyət qolunu isə 59-cu dəqiqədə Abdullah Zubir vuraraq komandasına Avropa Liqasında ilk qələbəni qazandırıb.
Qeyd edək ki, Qurban Qurbanovun rəhbərlik etdiyi komanda növbəti oyununu 28 noyabrda Fransa təmsilçisi “Lion” ilə keçirəcək.
