Qaxda 21 yaşlı gəncin bıçaqlanması faktı qeydə alınıb.
APA.az- məlumatına görə, rayonun İlisu kənd qeydiyatında olan 2003-cü il təvəllüdlü Yusif Elmar oğlu Danyel qarın boşluğunun kəsilmiş-deşilmiş daxilə nüfuz edən bıçaq yarası xəsarəti ilə Qax Rayon Mərkəzi Xəstəxanasına (RMX) daxil olub.
Y. Danyel cərrahiyyə əməliyyatı olunandan sonra xəstəxananın reanimasiya şöbəsinə yerləşdirilib.
Əməli törətməkdə şübhəli bilinən yeniyetmə saxlanılıb.
Müvafiq ekspertiza təyin olunub, araşdırma aparılır.
