“Rusiya həm COP29, həm də konfrans çərçivəsində keçiriləcək parlament konfransında yüksək səviyyədə iştirak edəcək”.
İnsanoid.com xəbər verir ki, bunu Rusiyanın Azərbaycandakı səfiri Mixail Yevdokimov Milli Məclisin sədri Sahibə Qafarova ilə görüşündə deyib.
Görüşdə COP29-a hazırlıqla bağlı görülən işlər barədə də söhbət açılıb. Bu mühüm beynəlxalq tədbirin siyasiləşdirilməsi cəhdlərinin yolverilməz olduğu qeyd edilib. Azərbaycanın qlobal problemlərin həllinə töhfələri yüksək qiymətləndirilib.
Söhbət zamanı həmçinin Avropa Parlamentinin Azərbaycanla bağlı qəbul etdiyi qərəzli sənədlər və təşkilatın anti-Azərbaycan fəaliyyəti tənqid edilib.
