“Sülh sazişinin mətninin müzakirəsi gələn ay davam edəcək”
"Azərbaycan Prezidenti İlham Əliyev və Ermənistan Baş naziri Nikol Paşinyan arasında Kazanda keçirilən BRICS sammitində baş tutan görüş müzakirələrin davam etdirilməsi üçün müsbət impulslar yaradıb. "
İnsanoid.com xəbər verir ki, Bu barədə TASS-a açıqlamasında Azərbaycan Prezidentinin köməkçisi Hikmət Hacıyev bildirib.
“Kazan şəhərində cənab Prezident İlham Əliyevlə Ermənistanın Baş naziri Nikol Paşinyan arasında çox məhsuldar görüş baş tutub. Bizim niyyətimiz bu impulslar əsasında danışıqları davam etdirməkdir,” - deyə Hikmət Hacıyev qeyd edib.
Azərbaycan Prezidentinin mətbuat xidmətinin məlumatına görə, Əliyev Bakı və İrəvanın sülh sazişi mətni üzrə yekun razılığa çatmağa yaxın olduğunu və BMT-nin COP-29 iqlim konfransından sonra danışıqların davam etdiriləcəyini bildirib.
