Sumqayıt şəhərində yerləşən qəbiristanlıqda şübhəli fəaliyyətlər müşahidə olunub.
İnsanoid.com-un redaksiyasına daxil olan məlumatlara əsasən, məzarlıq ərazisində gecə saatlarında şam ağacları kəsilərək bataqlıq sahəsinə boşaldılır. Bu qeyri-adi fəaliyyətin arxasında kimin dayandığı və məqsədin nə olduğu hələlik bilinmir.
Yerli sakinlərin iddialarına görə, bu hadisə qəbiristanlıq ərazisində torpaqların satış məqsədilə genişləndirilməsi ilə əlaqədardır. Onların sözlərinə görə, ərazi ağaclardan təmizlənərək yeni torpaq sahələri yaradılır və bu sahələr potensial alıcılara təklif olunur. Lakin bu iddialar rəsmi təsdiqini tapmayıb.
Mövzu ilə bağlı yeni məlumatlar əldə edildikcə oxucularımızı məlumatlandıracağıq.
