Türkiyənin TRT Haber telekanalının Suriyadakı vəziyyətlə bağlı hazırladığı reportaj zamanı maraqlı bir məqam diqqətdən qaçmayıb.
İnsanoid.com xəbər verir ki, reportaj zamanı mənbicli bir gəncin əynində Azərbaycan bayrağı və "Qarabağ" yazısı olan köynək xüsusilə diqqət çəkib.
Müxbirin suriyalılardan aldığı müsahibə zamanı kameraların obyektivinə düşən gəncin geyimi sosial şəbəkələrdə geniş müzakirələrə səbəb olub.
Bu hadisə, Suriyadakı vəziyyətin dəyişməsi və Bəşər Əsəd rejiminin çökməsi ilə əlaqədar olaraq bölgədəki ümidlərin artdığı bir vaxta təsadüf edir. Rejimin süqutundan sonra Türkiyədə yaşayan minlərlə suriyalı öz doğma torpaqlarına qayıdır.
