Türkiyənin Lüleburgaz rayonunda fermer öz tarlasına traktorla “Qarabağ Azərbaycandır” yazıb.
Bu barədə trthaber.com məlumat yayıb.
Bildirilib ki, rayonun Evrensekiz qəsəbəsində yaşayan fermer Burak Tunçkol traktoruna Azərbaycan və Türkiyənin bayraqlarını asaraq torpaqda şumla iz qoyub və təxminən 4 saat ərzində “Qarabağ Azərbaycandır, Qarabağ zəfəri 4 yaşında” yazıb.
Türkiyə ilə Azərbaycanın qardaş ölkə olduğunu bildirən Tunçkol Qarabağ zəfərinin ildönümünü qeyd etdiyini bildirib. O, "iki dövlət, bir millət" şüarını yaşatmaq üçün belə bir iş gördüyünü qeyd edib.
[gallery link="file" size="full" ids="203653,203654,203656"]
