Mənzil İnşaatı Dövlət Agentliyinin (MİDA) növbəti layihəsi – Sumqayıt Yaşayış Kompleksi və Lənkəran Yaşayış Kompleksində mənzillərin güzəştlə satışı başa çatıb.
İnsanoid.com xəbər verir ki, mənzillər 35 saniyə müddətində satılıb.
Qeyd edək ki, bugünkü satış zamanı 544 mənzilin seçimində iştirak edənlərin sayı 4 176 nəfər olub. Bu saata olan məlumata görə seçilmiş 544 mənzilin 228-si vətəndaşlar tərəfindən uğurla imzalanaraq ərizələri təqdim edilib.
09:52
Bu gün Mənzil İnşaatı Dövlət Agentliyi Sumqayıt və Lənkəran Yaşayış Komplekslərində güzəştli mənzillərin satışını həyata keçirəcək.
İnsanoid.com xəbər verir ki, saat 11:00-da baş tutacaq satışa ümumilikdə 544 mənzil çıxarılır.
Sumqayıt Kompleksi 11 binadan və 461 mənzildən, Lənkəran Kompleksi isə 5 binadan və 240 mənzildən ibarətdir. Hər iki kompleksdə sakinlər üçün istirahət guşələri, uşaq meydançaları yaradılıb, Sumqayıtda isə 80 yerlik uşaq bağçası da inşa edilib.
Mənzillər tam təmirli, kombi isitmə sistemi, mətbəx mebeli və kommunal sayğaclarla təchiz olunmuş vəziyyətdə təklif edilir. Mənzillərin seçimi “Elektron hökumət” portalındakı “Güzəştli mənzil” sistemi vasitəsilə elektron qaydada həyata keçiriləcək.
[gallery size="full" ids="208528,208527,208526,208525"]
