UEFA Avropa Liqası: "Qarabağ" "Lion"a məğlub oldu

"Qarabağ" UEFA Avropa Liqasının Liqa mərhələsində Fransa təmsilçisi "Lion"a məğlub olub.

İnsanoid.com xəbər verir ki, Ağdam təmsilçisi V turun oyununda 1:4 hesabı ilə uduzub.

Tofiq Bəhramov adına Respublika stadionunda baş tutan matçda hesabı 15-ci dəqiqədə qonaqlar açıblar. Jorj Mikautadze dəqiq zərbə müəllifi olub. 63-cü dəqiqədə fərq iki topa yüksəlib. Korentin Torisso toru silkələyib. 68-ci dəqiqədə Korentin Tolisso meydan sahiblərinin qapısına yol tapıb. 80-ci dəqiqədə Jorj Mikautadze dubl müəllifi olub. Görüşdə yekun hesabı isə Ağdam təmsilçisinin heyətində Juninyo müəyyənləşdirib. Hücumçu 87-ci dəqiqədə penalti zərbəsini dəqiq yerinə yetirib.

Qeyd edək ki, Qurban Qurbanovun rəhbərlik etdiyi kollektiv Avropa Liqasında növbəti oyununu dekabrın 12-də İsveç təmsilçisi "Elfsborq"a qarşı keçirəcək.

23:32

UEFA Avropa Liqasının Liqa mərhələsinin V turunun "Qarabağ" - "Lion" (Fransa) oyununda növbəti qol vurulub.

İnsanoid.com xəbər verir ki, Tofiq Bəhramov adına Respublika stadionundakı matçda Ağdam təmsilçisi buraxılan qollardan birinin əvəzini çıxıb.

87-ci dəqiqədə Juninyo penalti zərbəsini dəqiq yerinə yetirib - 1:4.

23:25

UEFA Avropa Liqasının Liqa mərhələsinin V turunun "Qarabağ" - "Lion" (Fransa) oyununda dördüncü qol vurulub.

İnsanoid.com xəbər verir ki, Jorj Mikautadze 80-ci dəqiqədə dubl edir - 0:4.

23:13

"Qarabağ" - "Lion" (Fransa) oyununda üçüncü qol vurulub.

İnsanoid.com xəbər verir ki, Tofiq Bəhramov adına Respublika stadionundakı matçda qonaqlar hesabı 0:3-ə çatdırıblar.

68-ci dəqiqədə Malik Fofana fərqlənib.

23:09

UEFA Avropa Liqasının Liqa mərhələsinin V turunun "Qarabağ" - "Lion" (Fransa) oyununda ikinci qol vurulub.

İnsanoid.com xəbər verir ki, Tofiq Bəhramov adına Respublika stadionundakı matçda qonaqlar hesabı 0:2-yə çatdırıblar.

63-cü dəqiqədə Tolisso adını tabloya yazdırıb.

22:53

UEFA Avropa Liqasının Liqa mərhələsinin V turunun "Qarabağ" - "Lion" (Fransa) oyununda ikinci hissə başlayıb.

İnsanoid.com-un məlumatına görə, Tofiq Bəhramov adına Respublika stadionundakı matçda qonaqlar hesabda 0:1 irəlidədirlər.

22:33

Oyunda ilk hissə başa çatıb.

İnsanoid.com xəbər verir ki, ilk hissənin nəticəsinə görə, qonaqlar hesabda öndədirlər - 0:1.