Xırdalan şəhəri Heydər Əliyev küçəsində beş günə yaxındır su gəlmir.
Bakuplus.az xəbər verir ki, bu barədə sakinlər sosial şəbəkələrdə paylaşım ediblər.
Bildirilib ki, “Abşeron city” yaşayış kompleksində günlərdir suyun verilməməsi sakinləri çətin vəziyyətə salıb.
Problemdən təngə gələn sakinlər məsələnin tezliklə həll olunacağına ümid edirlər.
Məsələ ilə bağlı Bakuplus.az-ın əməkdaşı İri Şəhərlərin Birləşmiş Su Təchizatı Xidmətinə sorğu ünvanlayıb.
Bildirilib ki, magistral su kəmərində qəza baş verməsi səbəbilə bir neçə gündür ki, Xırdalan da daxil olmaqla bəzi ərazilərdə suyun verilməsində fasilələr yaranıb:
“Hazırda təmir və bərpa işləri yekunlaşmaq üzrədir. Suyun qeyd olunan ərazilər üzrə verilməsi hazırda qrafik rejimi ilə tənzimlənir”.
