Koronavirusdan 5 il sonra Çində Metapnevmovirus (HMPV) adlanan yeni virus yayılmağa başlayıb. Xüsusilə uşaqlar arasında yayılan bu virus artıq Qazaxıstan və Qırğızıstanda da qeydə alınıb.
Modern.az xəbər verir ki, Metapnevmovirus qripəbənzər respirator xəstəlik olub, əsasən uşaqlar və immuniteti zəif olan şəxslərdə ağır keçə bilər. Əlamətləri arasında öskürək, burun axıntısı, hərarət və nəfəs darlığı var. Virus 7-10 gün ərzində keçsə də, yanaşı xəstəlikləri olan şəxslərdə pnevmoniya ilə ağırlaşa bilər.
Azərbaycan Səhiyyə Nazirliyi virusun yayılmasını izlədiklərini və epidemioloji nəzarəti davam etdirdiklərini bildirib. Risk qrupuna daxil olan şəxslərə qrip əleyhinə peyvənd tövsiyə edilir.
Həkimlər simptomatik müalicəni məsləhət görür, çünki virus üçün xüsusi antiviral müalicə və təsdiqlənmiş peyvənd yoxdur. Yoluxmamaq üçün gigiyena qaydalarına əməl etmək və xəstə insanlarla təmasdan çəkinmək vacibdir.
