İstanbulda beynəlxalq dələduzluq dəstəsinə qarşı əməliyyat keçirilib.
Bu barədə İnsanoid.com xarici KİV-ə istinadən xəbər verir.
Aşkar edilib ki, ticarət mərkəzlərinin birində saxta çağrı mərkəzi kimi fəaliyyət göstərən şəxslər "Forex" və investisiya vədi ilə Yaponiya və Cənubi Koreya vətəndaşlarını aldadıblar. Günlük təxminən 1 milyon dollar qanunsuz gəlir əldə edən dəstə bu vəsaitləri ölkə daxilində leqallaşdırıb.
Reyd nəticəsində üçü Azərbaycan, biri Qırğızıstan, biri Özbəkistan, biri Cənubi Koreya və biri Yaponiya vətəndaşı olmaqla ümumilikdə 56 şübhəli şəxs nəzarətə götürülüb.
Faktla bağlı külli miqdarda dələduzluq və çirkli pulların leqallaşdırılması maddələri üzrə istintaq davam edir.
