Yanvarın 3-ü günorta saatlarında paytaxtın Nərimanov rayonu, N.Hacıyev küçəsində yerləşən mənzillərin birindən 50 000 manat pul və 30 000 manat dəyərində qızıl əşyaları oğurlanıb. Bu barədə 4 yanvar tarixində Daxili İşlər Nazirliyi İnsanoid-ə məlumat verib.
Oğurluq əməlini törətməkdə şübhəli bilinən ev sahibinin 2002-ci il təvəllüdlü oğlu olması müəyyən edilib. O, oğurluq əməlini xüsusi və peşəkar oğrular tərəfindən törədilməsi görüntüsünü yaratmaq, iz itirmək məqsədilə filmlərdə gördüyü metod və vasitələrdən istifadə etməklə törədib.
Saxlanılan şəxs törətdiyi əməli etiraf edib, talanan pul vəsaitinin bir hissəsini və qızıl əşyalarını gizlətdiyi yerdən çıxararaq istintaqa tədim edib.
O, saxlanılaraq cinayət məsuliyyətə cəlb edilib.
Araşdırmalar davam etdirilir.
