Fərdi hesabında pensiya kapitalı olanlara 25 il staj hədiyyə edilməsi müddəti uzadılıb. Bu haqda 2 yanvar tarixində İnsanoid Report-a istinadən xəbər verir.
Belə ki, "Əmək pensiyaları haqqında" qanunda edilən dəyişikliyə əsasən, yanvarın 1-dən fərdi hesabında pensiya kapitalı olanlara 25 il staj hədiyyə edilməsi müddəti daha üç il uzadılıb.
Məsələn, fərdi hesabında 01.01.2006-cı ildən 01.07.2018-ci ilədək dövr üzrə hər hansı məbləğdə pensiya kapitalı olan şəxsə 2023-cü ildə artıq 25 il yox, 24 il, 2024-cü ildə 23 il, 2025-ci ildə 22 il və s. staj hesablanacaqdı və lazım olan minimum 25 illik stajın qalan hissəsi isə pensiya yaşına çatmış şəxsdən tələb olunacaqdı.
Edilən dəyişiklik yaxın üç ildə daha 30 minə yaxın şəxsin onlara 25 illik staj hədiyyə edilməsi nəticəsində pensiya hüququ əldə etməsinə imkan verəcək.
