Müharibə ilə əlaqədar əlilliyi olan şəxslərə daha 20 avtomobil təqdim edilib. Bu barədə 2 noyabr tarixində Report məlumat verib.
Postmüharibə dövründə müharibə ilə əlaqədar əlilliyi olan şəxslərə 300-dən çox, ümumən ötən dövrdə 7 500-dən çox avtomobil verilib.
Əmək və əhalinin sosial müdafiəsi nazirinin müavini Anar Əliyev bildirib ki, postmüharibə dövründə şəhid ailələri və müharibə ilə əlaqədar əlilliyi olan şəxslərə 4 min, ümumilikdə ötən dövrdə 13 minədək mənzil və fərdi ev təqdim edilib.
Bu kateqoriyalardan olan vətəndaşlara 2022-ci il üzrə 1 500 mənzil və fərdi ev verilməsi nəzərdə tutulub ki, bunlardan da artıq 1 000-i təqdim edilib.
