Ağsuda 15 yaşlı qızla intim münasibət yaşayan oğlan həbs edilib.
İnsanoid.com-un əldə etdiyi məlumata görə, hadisənin məhkəmə istintaqı Ağsu Rayon Məhkəməsində aparılıb.
Belə ki, təqsirləndirilən Emin Qasımov (ad şərtidir) 2002-ci ildə Ağsu rayonunda doğulub. O, tanış olduğu 2009-cu il təvəllüdlü Aysu Əliyevanın (ad şərtidir) razılığı ilə onunla bir neçə dəfə cinsi əlaqədə olub. Sonuncu dəfə qızın razılığı ilə oğlanın nənəsinin evində görüşüblər. Münasibətə Aysunun razılığı olsa da, on altı yaşına çatmayan şəxslə cinsi münasibət qurmaq cinayət məsuliyyəti sayılır.
Buna görə Emin Qasımov Azərbaycan Respublikası CM-nin 152.1-ci (on altı yaşına çatmayan şəxslə cinsi münasibət qurma) maddəsi ilə təqsirləndirilib.
Məhkəmədə təqsirləndirilən şəxs qismində dindirilən Emin Qasımov ifadəsində göstərib:
“Aysunu 2024-cü ilin yanvar ayından tanıyıram. “AL” marketdə satıcı kimi işlədiyim zamanlarda alış-veriş etmək üçün ora gəlmişdi. Həmin vaxtdan tanış olub, sevgi münasibəti yaşayırdıq. Qeyd edim ki, qızla tanış olanda mənə 19 yaşının olduğunu demişdi. Münasibətimizin sonunda isə onunla evlənməyi düşünürdüm. Bir neçə dəfə parkda görüşdükdən sonra qıza baş-başa qalmaq üçün nənəmin evinə getməyi təklif etdim. Onun razılığı ilə evə gedib, söhbət etdikdən sonra cinsi münasibətdə olmuşuq”.
Daha sonra məhkəmə iclasında zərərçəkmiş Aysu Əliyeva ifadə verib:
“Anamla birlikdə Ağsu rayonunda kirayə mənzildə yaşayırıq. 12 yaşımda ehtiyatsızlıqdan ağacdan yıxıldığım üçün qızlıq pərdənin tamlığı pozulub. Emini 2024-cü ilin yanvar ayından tanıyıram. Marketdə tanıdığım gündən ondan xoşum gəldi. Bir neçə dəfə parkda görüşüb, söhbətləşmişik. Bir-birimizə qarşı sevgi münasibətimiz yarandığı üçün evlənmək qərarına gəldik. Bir gün görüş zamanı Emin nənəsinə məxsus evə getməyi təklif etdi. Razılığım ilə nənəsinin evinə getdik və cinsi münasibətdə olduq. Onun tərəfindən mənə qarşı heç bir zorakılıq olmayıb”.
Tərəflərin çıxışından sonra məhkəmə müşavirəyə yollanıb. Sonda məhkəmənin qərarı ilə cinsi istismar və insan alverində təqsirləndirilən Emin Qasımov 1 il müddətində azadlıqdan məhrum edilib.
Fidan İlqar
