Azərbaycanda seçki məntəqələri bələdiyyə seçkilərində səsvermə üçün açılıb.
İnsanoid.com xəbər verir ki, səsvermə saat 19:00-a qədər davam edəcək.
Seçkilər ölkə ərazisindəki 118 seçki dairəsini əhatə edən 5 min 846 məntəqədə keçirilir. 685 bələdiyyənin 8 min 71 üzvü üçün 16 min 92 namizəd mübarizə aparır.
Mərkəzi Seçki Komissiyasının (MSK) məlumatına əsasən, bələdiyyə seçkilərində səsvermə hüququ olan 5 milyon 961 min 987 seçici var.
MSK sədri Məzahir Pənahov qeyd edib ki, seçici aktivliyi haqqında məlumatlar saat 10:00, 12:00, 15:00, 17:00 və 19:00-da canlı yayımlanacaq.
Xatırladaq ki, seçki ilə əlaqədar ölkədə qeyri-iş günüdür.
