Yevlax-Ağdam-Laçın yolunda dəhşətli yol-nəqliyyat hadisəsi baş verib.
İnsanoid.com-un əldə etdiyi məlumata görə, hadisə yolun Bərdə rayonu Əliyanlı kəndindən keçən hissəsində qeydə alınıb.
Sürücü 1990-ci il təvəllüdlü Bərdə rayonu Yeni Əyricə kənd sakini Musayev Fərhad Fikrət oğlu idarə etdiyi VAZ 2107 markalı avtomobil ilə Ağdam rayonu istiqamətində hərəkətdə olarkən, 1982-ci il təvəllüdlü Laçın rayonu Lolabağırlı kənd sakini Atakişiyev Elnur Fərman oğlunun idarə etdiyi QAZ 31029 markalı avtomobillə toqquşub.
Qəza nəticəsində VAZ 2107 markalı avtomobilin sərnişini, Bərdə rayonu Yeni Əyricə kənd sakini 1970-ci il təvəllüdlü Məmmədov Cahangir Ələddin oğlu xəsarət alıb. Yaralı dərhal Bərdə Rayon Diaqnostika Mərkəzinə yerləşdirilib.
Faktla bağlı araşdırma aparılır.
Nəzrin Vahid
