Rusiya Federasiyası Prezidentinin mətbuat katibi Peskov: "Kreml ekspertizanın nəticələri çıxmayana qədər Aktauda baş verən təyyarə qəzasının səbəblərini şərh etməyəcək".
İnsanoid.com xəbər verir ki, bundan əvvəl Qazaxıstan Senatının sədri Maulen Aşimbayev təyyarəyə mümkün hücumla bağlı açıqlamaları “spekulyasiya” adlandırmışdı:
“Təyyarə qəzasının səbəbləri hələ ki məlum deyil və bu, bir faciədir. Xüsusi komissiya işləyir. Qazaxıstan, Azərbaycan və Rusiyanın müvafiq strukturlarının nümayəndələri cəlb olunub. Mütəxəssislərimiz bu ölkələrin nümayəndələri ilə birgə işləyirlər. Bir fotoşəkildən dərhal nəticə çıxarmaq, müxtəlif fərziyyələr səsləndirmək əsassızdır.
Komissiya üzvləri, mütəxəssislər, ekspertlər hər şeyi izləyirlər və nəticə çıxaracaqlar. Təbii ki, nə Azərbaycan, nə Rusiya, nə də Qazaxıstan məlumatları gizlətməkdə maraqlı deyil”.
