Qəzaya uğrayan “Embraer 190” uğursuz idarəetmə sistemləri ilə 50 dəqiqədən çox havada qalıb.
İnsanoid.com xarici KİV-ə istinadən xəbər verir ki, aktau hava limanına Rostov-na-Don dispetçerindən Azərbaycan Hava Yollarının təyyarəsində fövqəladə vəziyyət barədə məlumat verilib.
Pilotlar səhər saat 8:35-də (Moskva vaxtı ilə) təyyarənin quşlarla toqquşması barədə məlumat veriblər, bundan sonra "Embraer"-in göyərtəsində qaz balonu partlayıb və idarəetmə sistemləri sıradan çıxıb. Bundan sonra Aktau hava limanına eniş tələb edilib.
Pilotlar təyyarəni yalnız mühərrikin gücü ilə idarə edə biliblər. Təyyarə sahilə yaxınlaşanda ekipaj bir neçə dönüş həyata keçirib.
9:29-da təyyarə sərt eniş edir və nəticədə "Embraer"in ön hissəsi parçalanaraq alovlanır. Bununla belə, hava gəmisinin arxa quyruq hissəsi salamat qalıb. Qəzadan sağ qurtulanlar da məhz təyyarənin bu hissəsində olan sərnişinlərdir. Ümumi olaraq, təyyarə qəzasında 32 nəfər sağ qalıb.
