ABŞ-də “Spirit Airlines” şirkətinə məxsus təyyarədə qeyri-adi bir hadisə yaşanıb.
“NewYork Post” nəşri xəbər verir ki, Dallasdan Los-Ancelesə uçan sərnişinlər baqaj rəflərində iri siçanın qaçdığını görüblər. Təyyarənin ekipajına xəbər versələr də, pilotlar bunun təyyarəni təcili yerə endirmək üçün kifayət etmədiyini bildiriblər.
Nəticədə, siçan sərnişinlərlə birlikdə üç saatlıq uçuşu tamamlayaraq Los-Ancelesə çatıb. Uçuşdan sonra təyyarə dərhal dezinfeksiya edilib. “Spirit Airlines” nümayəndələri isə bu kimi halların təkrarlanmayacağını vəd ediblər.
[playlist type="video" ids="200750"]
