Göyçayda narkotiki hoteldə gizlədən şəxslər saxlanılıblar. Bu barədə 11 noyabr tarixində Daxili İşlər Nazirliyi İnsanoid-ə məlumat verib.
Ağdaş rayon sakinləri, əvvəllər də oğurluq, eləcə də narkotik cinayətləri törətdikləri üçün məhkum olunmuş Raqif Yusifov və Ruslan Allahverdiyev saxlanılıblar.
Onların Göyçay şəhəri ərazisində yerləşən hotellərin birində müvəqqəti qaldıqları nömrəyə baxış keçirilərkən oradan bükümlərdə heroin və metamfetamin aşkarlanaraq götürülüb.
Saxlanılan şəxslər ifadələrində narkotik vasitə və psixotrop maddəni sosial şəbəkələrdə tanış olduqları əcnəbi narkotacirdən satmaq məqsədilə aldıqlarını bildiriblər. Onlar aldıqları narkotik vasitəni burada bölüşdürərək hissə-hissə satmaq niyyətində olublar.
Faktla bağlı cinayət işi başlanılıb.
