Zərdabda kommunikasiya naqilləri oğurlayan şəxslər saxlanılıb.
İnsanoid.com DİN-ə istinadən xəbər verir ki, rayonun Alıcanlı, Dəliquşçu, Otmanoba, Hüseynxanlı, Xanməmmədli və Gödəkqobu kəndləri ərazilərində rabitə dirəklərindən keçən naqilləri oğurlayan Təbriz Mahmudov, Saməddin Kərimov və qardaşı Əvəzxan saxlanılıb.
Onların 6 kənd ərazisində yerləşən rabitə dirəklərindən 12 000 manat dəyərində 2 720 metr kommunikasiya naqillərini kəsərək əlvan metalları metal qəbulu məntəqələrindən birinə satdıqları müəyyən edilib.
Faktla bağlı cinayət işi başlanıb, saxlanılan şəxslər barəsində həbs qətimkan tədbiri seçilib.
Araşdırma aparılır.
