Cəmiyyətin diqqət mərkəzində olan məsələlərdən biri də şəhər və rayonlara təyin olunan icra başçılarının fəaliyyətidir.
İndiyə qədər ölkənin rayon və şəhərlərinə çoxsaylı icra başçıları təyin edilib. Yeni təyinatlar içərisində isə gənc kadrlar üstünlük təşkil edir. Bununla belə, 20 il və daha çox olmaqla uzun müddət bu vəzifədə çalışan məmurların sayı da az deyil.
Bizim.Media 20 il və daha çox olmaqla icra başçısı vəzifəsində işləyən məmurların siyahısını təqdim edir.
Eyvaz Hüseynov
Ən stajlı icra başçısı Eyvaz Hüseynovdur. 2 iyul 1992-ci ildə Xocavənd Rayon İcra Hakimiyyətinin başçısı vəzifəsinə təyin edilib. Artıq 33 ildir ki, bu vəzifəni daşıyır. Birinci Qarabağ müharibəsi veteranıdır.
Adil Məmmədov
Adil Məmmədov artıq 31 ilə yaxındır ki, icra başçısı işləyir. O, 03.09.1994-cü il tarixdən 25.08.2002-ci il tarixədək Oğuz rayonu İcra hakimiyyətinin başçısı, 25.08.2002-ci il tarixdən 26.03.2004-cü il tarixədək Qəbələ rayonu İcra hakimiyyətinin başçısı, 26.03.2004-cü il tarixdən 26.04.2011-ci il tarixədək Biləsuvar rayon İcra hakimiyyətinin başçısı olub. 26.04.2011-ci il tarixdən Qobustan rayonu İcra hakimiyyətinin başçısı vəzifəsinə təyin edilib. İndi də bu vəzifədədir.
Novruz Novruzov
N.Novruzov ən uzunömürlü icra başçıları sırasında üçüncü yeri tutur. O, artıq 30 ilə yaxındır ki, müxtəlif rayonlarda icra başçısı olaraq çalışır. 1995-2002-ci illərdə Lerik Rayon İcra Hakimiyyətinin başçısı, 2002-2007-ci illərdə Goranboy Rayon İcra Hakimiyyətinin başçısı, 2007-2019-cu illərdə isə Şabran Rayon İcra Hakimiyyətinin başçısı vəzifələrində işləyib. 2019-cu ilin aprelin 5-dən isə Siyəzən Rayon İcra Hakimiyyətinin başçısı olaraq çalışır.
Taleh Qaraşov
1996-2002-ci illərdə Kürdəmir rayon, 2002-2006-cı illərdə Cəlilabad rayon, 2006-2011-ci illərdə Neftçala rayon, 2011-2012-ci illərdə Astara rayon İcra hakimiyyətinin başçısı vəzifəsində çalışıb. 2012-ci ilin aprelin 14-dən Lənkəran şəhər İcra hakimiyyətinin başçısıdır.
Eldar Əzizov
2000–2003-cü illərdə Bakı şəhəri Nizami Rayon, 2003–2011-ci illərdə Gəncə şəhər, 2011–2015-ci illərdə Sumqayıt şəhər, 2015–2018-ci illərdə isə Bakı şəhəri Səbail Rayon İcra Hakimiyyətinin başçısı vəzifələrində çalışıb. 16 iyul 2018-ci il tarixində Bakı Şəhər İcra Hakimiyyəti başçısının müavini vəzifəsinə təyin edilib. 15 noyabr 2018-ci il isə Bakı Şəhər İcra Hakimiyyətinin başçısı vəzifəsinə təyinat alıb.
Şahmar Usubov
2000-ci ilin dekabrın 21-dən bəri Xocalı rayon İcra Hakimiyyətinin başçısı vəzifəsində işləyir.
Malik İsaqov
08.09.2001-ci ildə Qubadlı rayon icra Hakimiyyətinin başçısı təyin edilib və 24 ildən çoxdur ki bu vəzifəni icra edir.
Abdin Fərzəliyev
2003-cü ilin aprel ayında Bakı şəhəri Nizami Rayonu İcra Hakimiyyətinin başçısı vəzifəsinə təyin edilib. Daha sonra, 2005-ci ilin dekabr ayından 19 yanvar 2022-ci il tarixədək Bakı şəhəri Nərimanov Rayon İcra Hakimiyyətinin Başçısı vəzifəsində çalışıb. Son olaraq, 19 yanvar 2022-ci ildə Abşeron rayon İcra Hakimiyyətinin Başçısı təyin edilib.
Süleyman Mikayılov
Qaradağ rayon İcra Hakimiyyətinin başçısı Süleyman Mikayılov 2010-cu ildən bu rayona rəhbərlik edir. Ona qədər isə qısa müddətdə, 2005-ci ilin 13 mayından 21 dekabrına qədər Yardımlı rayonlarında icra başçısı işləyib. 2005-2010-cu illərdə isə Lənkəran şəhərinə rəhbərlik edib.
Vidadi İsayev
O, 20 ildir ki, icra başçısı kimi iş təcrübəsinə malikdir. Bərdə rayon İcra Hakimiyyətinin başçısı V. İsayev 2011-ci ildən bu rayona rəhbərlik edir. Vidadi İsayev 2011-ci ilə qədər isə Tərtər (2005-2011) rayonunun icra başçısı olub.
Zakir Fərəcov
O, 2005-2015-ci illərdə Abşeron rayonunda icra başçısı vəzifəsində çalışıb. 2015-ci ildən isə Sumqayıta rəhbərlik edir.
İlqar Abbasov
İ. Abbasov 2019-cu ildən Şirvanın icra başçısıdır. O, bu vaxtadək Nərimanov (2004-2005) və Suraxanı (2005-2019) rayonunda icra başçısı vəzifəsində işləyib.
