Respublika Təcili və Təxirəsalınmaz Tibbi Yardım Mərkəzinə oktyabrın 31-də saat 16:20 radələrində Bakı şəhəri, Yasamal rayonu, Əsəd Əhmədov küçəsində çoxmərtəbəli yaşayış binasında yanğın səbəbilə çağırış daxil olub.
Bu barədə APA-nın sorğusuna cavab olaraq TƏBİB-dən məlumat verilib.
Çağırış ünvanına 4 təcili tibbi yardım briqadası cəlb olunub. İlkin məlumata görə, təcili tibbi yardım briqadası tərəfindən 12 nəfərə tüstüdən zəhərlənmə diaqnozu ilə yerində tibbi yardım göstərilib. İki nəfər tüstüdən zəhərlənmə diaqnozu ilə Kliniki Tibbi Mərkəzin Toksikologiya şöbəsinə təxliyə olunub.
17:28
Bakı şəhəri, Yasamal rayonu, Ə.Əhmədov küçəsində yerləşən çoxmərtəbəli yaşayış binasında baş vermiş yanğın söndürülüb.
Bu barədə İnsanoid.com Fövqəladə Hallar Nazirliyinin (FHN) Mətbuat xidmətindən məlumat verilib.
Bildirilib ki, nazirliyin qüvvələrinin müdaxiləsi sayəsində onyeddi mərtəbəli yaşayış binasının elektrik şaxtasında baş vermiş yanğın mənzillərə keçməsinə imkan verilmədən qısa müddətdə söndürülüb. Məlumata görə, təhlükəsizlik tədbirləri çərçivəsində bina sakinlərinin təxliyəsi həyata keçirilib.
16:42
“Yanğınla mübarizə tədbirləri davam etdirilir”.
Fövqəladə Hallar Nazirliyindən İnsanoid.com-a verilən məlumata görə, FHN 112 qaynar xəttinə Yasamal rayonu, Əsəd Əhmədov 7 ünvanında yaşayış binasında yanğın baş verməsi ilə bağlı məlumat daxil olub:
“Dərhal əraziyə nazirliyin Dövlət Yanğından Mühafizə Xidməti və Xüsusi Riskli Xilasetmə xidmətinin qüvvələri cəlb olunub. Yanğınla mübarizə tədbirləri davam etdirilir. Əlavə məlumat veriləcək”.
Nəzrin Vahid
16:34
Bakının Yasamal rayonunda yanğın başlayıb.
İnsanoid.com xəbər verir ki, hadisə rayonun Əsəd Əhmədov küçəsində yerləşən çoxmərtəbəli binada qeydə alınıb.
Hadisə yerinə Fövqəladə Hallar Nazirliyinin Yanğından Mühafizə Xidmətinin əməkdaşları cəlb edilib.
