Tovuz şəhərində bədbəxt hadisə qeydə alınıb.
Gencexeber.az məlumat verir ki, hadisə rayonun “Təzə Bazar” adlanan ərazisində olub. Çilingər sexində baş verən partlayış zamanı iki nəfər – 1992-ci il təvəllüdlü R.Rüstəmov və 1965-ci il təvəllüdlü Ə.Quliyev xəsarət alıb.
Yaralılardan birinin vəziyyəti ağırdır.
İlkin məlumata görə, hadisə işçilərin yanacaq çənini kəsməsi nəticəsində meydana gəlib.
Həmin yerə Fövqəladə Hallar Nazirliyinin (FHN) briqadası və 10-dan artıq canlı qüvvəsi, eləcə də Tovuz Rayon Prokurorluğu və Polis Şöbəsinin rəsmiləri cəlb olunub.
Faktla bağlı araşdırma başlanılıb.
