Sumqayıt Dövlət Dram Teatrının aktyoru, Azərbaycan Respublikasının Əməkdar artisti Mövsüm Hüseynov vəfat edib.
İnsanoid.com xəbər verir ki, bu barədə Sumqayıt Dövlət Dram Teatrından bildirilib.
Məlumata görə, o, uzun sürən xəstəlikdən sonra vəfat edib.
Mövsüm Turbəndə oğlu Hüseynov 1958-ci il iyun ayının 13-də Laçın rayonunda anadan olub.
1982-1995-ci illərdə Sumqayıt Dövlət Musiqili Dram Teatrında, 1995-1997-ci illərdə Azərbaycan Dövlət Musiqili Komediya Teatrında, 1997-2008-ci illərdə Bakı Bələdiyyə Teatrında çalışıb.
2010-cu ildən bu günədək yenidən Sumqayıt Dövlət Musiqili Dram Teatrında fəaliyyətini davam etdirib.
Mövsüm Hüseynov 2018-ci ildə Azərbaycanın Əməkdar artisti fəxri adına layiq görülüb.
